నగరవాసులకు ఊరట: రంగంలోకి ట్రాఫిక్ డీసీపీ.. కీలక జంక్షన్లలో స్వయంగా తనిఖీలు
హైదరాబాద్ (Suryanews): భాగ్యనగరంలో ట్రాఫిక్ కష్టాలకు చెక్ పెట్టేందుకు ఉన్నతాధికారులు నేరుగా రోడ్లపైకి వస్తున్నారు. ట్రాఫిక్ డీసీపీ-II కాజల్ సోమవారం సాయంత్రం నగరంలోని పలు కీలక జంక్షన్లలో క్షేత్రస్థాయి పరిశీలన చేపట్టారు. వాహనాల రాకపోకలకు ఎక్కడా అంతరాయం కలగకుండా ఉండేలా పక్కా ప్రణాళికతో ముందుకు సాగుతున్నారు.
కీలక ప్రాంతాల్లో పర్యటన:
నానల్ నగర్ జంక్షన్, బలైకా భవన్, లంగర్ హౌస్, గోల్కొండ కోట మరియు షేక్పేట్ వంటి రద్దీ ప్రాంతాల్లో డీసీపీ స్వయంగా పర్యటించారు. ఆయా ప్రాంతాల్లో ట్రాఫిక్ ఎందుకు స్తంభిస్తోంది? వాహనదారుల ఇబ్బందులు ఏంటి? అనే అంశాలను సిబ్బందిని అడిగి తెలుసుకున్నారు.
సిబ్బందికి కీలక ఆదేశాలు:
ట్రాఫిక్ క్రమబద్ధీకరణ విషయంలో రాజీ పడొద్దని, వాహనదారులు గంటల కొద్దీ రోడ్లపై వేచి చూడకుండా నిరంతరాయంగా ప్రయాణం సాగేలా చూడాలని అధికారులకు సూచించారు. ముఖ్యంగా పీక్ అవర్స్లో జంక్షన్ల వద్ద అదనపు సిబ్బంది ఉండాలని ఆదేశాలు జారీ చేశారు. రోడ్డు భద్రతా నిబంధనలను కచ్చితంగా అమలు చేయాలని, అదే సమయంలో ప్రజలకు అసౌకర్యం కలగకుండా విధులు నిర్వహించాలని స్పష్టం చేశారు.
-Surya News, Hyderabad
Comments
Post a Comment